Angliya chempionati 34-turidan o'rin olgan “Lester” va “Vest Xem” o'rtasidagi uchrashuv o'z nihoyasiga etdi. Unda 2:2 hisobidagi jangovar durang qayd etildi.
Birinchi bo'limning 18 daqiqasida Jeymi Vardi hisobni ochgan bo'lsa, 56 daqiqada u ikkinchi sariq kartochka oldi va maydondan chetlatildi.
Bir kishi ko'p bo'lib qolgan “Vest Xem” hujumlarga zo'r bera boshladi. Burchak zarbasini amalsha oshirgan londonliklar o'sha vaziyatda penalti ishlab olishdi va Kerroll Shmeyxel darvozasini aniq nishonga oldi – 1:1. Ikki daqiqa o'tar-o'tmas Kressuell “Vest Xem”ni oldinga olib chiqdi.
Hakam tomonidan qo'shib berilgan daqiqaning so'nggisida Kerroll o'z jarima maydonchasida qo'pollik ishlatdi va bu safar Adrian darvozasi tomon penalti belgilandi. Leonardo Uloa 11 metrlik jarima zarbasini aniq amalga oshirib, “Lester”ni mag'lubiyatdan saqlab qoldi. Angliya chempionati, 34-tur Lester – Vest Xem 2:2 (1:0, 1:2)
Gollar: 1:0 – 18 Vardi, 1:1 – 84, penalti Kerroll, 1:2 – 86 Kressuell, 2:2 – 90, penalti Uloa.
Lester – Shmeyxel, Morgan, Fuks, Simpson, Xut, Drinkuoter, Kante, Olbrayton (Shlupp, 54), Marez (Amarti, 78), Okadzaki (Uloa, 59), Vardi.
Vest Xem – Adrian, Ogbonna, Rid, Kressuell, Antonio, Nobl (Lansini, 63), Obiang (Kerroll, 46), Mozes (Valensiya, 72), Kuyate, Paye, Emenike.
Ogohlantirishlar: Vardi (28), Rid (30), Nobl (40), Paye (42), Morgan (77).
Chetlatish: Vardi (56).
— deya xabar beradi uff.uz nashri.