Ispaniya chempionatining 33-turidan o'rin olgan “Barselona” hamda “Valensiya” klublari o'rtasidagi uchrashuv o'z nihoyasiga etdi. Unda 1:2 hisobi qayd etilib, mehmonlarning g'alabasi bilan yakunlandi. Dastlab, birinchi bo'limning 26-daqiqasida Ivan Rakitichning avtogoli evaziga mehmonlar hisobda oldinga o'tib olishdi. Oradan 19 daqiqa o'tgach, Sani Mina hisobni 0:2 ko'rinishga olib keldi. Tanaffusdan so'ng Lionel Messi nihoyat gol urib, o'zining golsiz seriyasiga chek qo'yib, bitta golga javob qaytarishga muvaffaq bo'ldi. Shunday bo'lsada, final hushtagiga qadar muxlislar boshqa gol ko'rishmadi. Shu tariqa, “Barselona“ “Kamp Nou“da “Valensiya“ga imkoniyatni boy berib qo'ydi. Ispaniya chempionati, 33-tur Barselona – Valensiya 1:2 (0:2, 1:0)
Gollar: 0:1 – 26, avtogol Rakitich, 0:2 – 45 Santi Mina, 1:2 – 63 Messi.
Barselona – Bravo, Suares, Pike, Alba, Maskerano, Serdji Roberto, Rakitich, Buskets, Inesta, Neymar, Messi.
Valensiya – Diego Alves, Abdennur, Sikeyra, Barragan, Mustafi, Parexo, Xavi Fuego, Andre Gomesh, Peres (Joau Kanselu, 74), Rodrigo (Gayya, 88), Santi Mina (Pako Alkaser, 60).
Ogohlantirishlar: Barragan (15), Pike (35), Suares (40), Parexo (51), Andre Gomesh (68), Neymar (86).
— deya xabar beradi uff.uz nashri.