“Barselona” jamoasi himoyachisi Jerar Pike “Valensiya”ga qarshi (1:2) Ispaniya chempionati 33-turidan so'ng o'yin haqida qisqacha to'xtalib o'tdi. “Bugun biz yaxshi o'ynadik va mag'lubiyatga haqli emasdik. Lekin futbol ba'zida shafqatsiz bo'ladi. Jamoa futbolchilari maydoni boshi ko'tarilgan holda tark etdi, chunki biz bor kuchimizni sarfladik. “Atletiko” va “Real” qolgan o'yinlarda ochko yo'qotishi mumkin, ammo bu narsa bizni bezovta qilmasligi kerak. Maqsadimiz qolgan 5 o'yinning barchasida zafar quchish”, – deydi ispaniyalik himoyachi. 
— deya xabar beradi uff.uz nashri.