Eng tez: Hujumchimiz Oleksandr Pishurning birinchi daqiqada urgan goli O'zbekiston chempionatining ushbu mavsumidagi eng tezkor goli bo'lib turibdi.
Eng ko'p: "Navbahor" - "Sho'rtan" uchrashuvi 5- tur bellashuvlari orasida eng ko'p sariq kartochka ko'rsatilgan o'yinga aylandi.
1- "Navbahor" Oliy liganing ushbu mavsumida birinchi g'alabasini qo'lga kiritdi. Akram Baxritdinov o'zining chempionatdagi birinchi golini urdi.
2- Oleksandr Pishur va Mo'ydin Mamazulumov ushbu mavsumdagi gollari sonini ikkitaga etkazib olishdi. Ikkita futbolchimiz (Akmal Ortiqov va Dilshod Jabborov) o'tkazilgan beshta o'yinda to'liq harakat qilishdi. Dilshod Jabborov hisobida ushbu bellashuvdan so'ng ikkita sariq kartochka mavjud. 3:1 hisobida g'uzorliklarni jamoamiz ikkinchi marotaba mag'lub etdi. 2013- yil mehmonda ham aynan shu hisobda "Navbahor" g'alabani qo'lga kiritgandi.
3- Tomoshabin to'plash bo'yicha "Navbahor" - "Sho'rtan" uchrashuvi beshinchi turda ("Buxoro" - "Andijon" 21118, "Qizilqum" - "Paxtakor" 19318) uchinchi o'rinni egalladi. Uch futbolchimizga (O. Jo'raboev, A. Baxritdinov, S. Azimov) joriy mavsumda ilk marotaba sariq kartochka ko'rsatildi.
4- Mo'ydin Mamazulumov faoliyati davomida "Navbahor" va "Sho'rtan" tarkibida harakat qilib, har ikki jamoa darvozasiga gol urishga muvaffaq bo'lgan to'rtinchi o'yinchiga aylandi. Ushbu natijaga avval Yorqin Nazarov, Aleksandr Mochinov va Konstantin Boevlar erishishgan. "Navbahor"ning chempionatdagi g'alabasiz 4 o'yinlik seriyasi poyoniga etdi. Hozirgacha futbolchilarimiz chempionatda urgan gollarining to'rttasi ikkinchi bo'limda sodir etilmoqda.
5- Ushbu o'yinda beshta futbolchilarimiz ogohlantirilishdi. "Navbahor" maydonida g'uzorliklar bilan kechgan ketma-ket beshinchi o'yinning birinchi bo'limida durang qayd etildi. "Sho'rtan" amaldagi mavsumda qatorasida beshinchi mag'lubiyatni qabul qildi.
6- Endilikda "navbahorchilar"ning o'tkazilgan beshta o'yindan so'ng jami urgan gollari soni 6 tani tashkil etmoqda.
7- "Lochinlar" o'z maydonlarida g'uzorliklarni Oliy liga doirasida ettinchi bor taslim etishdi. Uchrashuv bosh hakami Vladislav Tseytlin cho'ntagidan etti bor sariq kartchoka olishiga to'g'ri keldi. Akmal Ortiqov o'z darvozasidan ettinchi bor to'p olib chiqdi.
9- Uchrashuv bosh hakami Vladislav Tseytlin mavsumda boshqargan to'rtinchi uchrashuvida nazoratchi tomonidan 9 ballga loyiq topildi.
10- "Navbahor" o'ninchi o'ringa ko'tarilib oldi. "Sho'rtan"ning o'tkazib yuborgan gollari endilikda o'ntaga etdi.
11- "Sho'rtan"ga qarshi bu o'yin bizning maydonda o'tkazilgan O'zbekiston chempionati tarixidagi o'zaro 11- qarama-qarshilik.
— deya xabar beradi uff.uz nashri.