Angliyaning “Everton” jamoasi hujumichisi Romelu Lukaku o'z faoliyatini Dortmundning “Borussiya” klubida davom ettirishi mumkin, deb xabar qilmoqda Ruhr Nachrichten nashri. Dortmundliklar 22 yoshli futbolchiga avvalroq ham qiziqqan edi, ammo ular endi uni sotib olish uchun jiddiy harakat qiladi. Buning uchun “Borussiya” rahbariyati 35 mln evrodan voz kechishga tayyor. Shuningdek, “qora-sariqlar” Mario Gyottseni “Bavariya”dan ortga qaytarib, shu yo'l orqali klub etakchilari Mats Xummels, Marko Roys va Genrix Mxitaryanni saqlab qolmoqchi. Joriy mavsumda belgiyalik iqtidor egasi APLning 32 o'yinida maydonga tushib, 18 ta gol va 6 ta golli uzatmaga mualliflik qildi. 
— deya xabar beradi uff.uz nashri.