Osiyo chempionlar ligasi 5-turida Qarshining "Nasaf" jamoasi o'z maydonida BAAning "Al-Ayn" klubiga qarshi bahs olib boradi. Ushbu uchrashuv oldidan o'tkazilgan matbuot anjumanining birinchi qismida mehmon jamoa bosh murabbiyi Zlatko Dalich va jamoa yarim himoyachisi Li Myung Ji ishtirok etishdi. “Hammaga xayrli kun, sizlarni ko'rib turganimdan xursandman. Ertaga g'alaba uchun maydonga tushamiz. Keskin bahs kechadi. "Nasaf" ham yaxshi shakllangan jamoa. Biz issiq o'lkadan tashrif buyurdik Qarshida havo biroz salqinroq ekan. Shunga qaramay biz bor kuchimizni ishga solib, kerakli natijaga erishishga harakat qilamiz. OChLdagi ilk uchrashuvlarda mag'lub bo'lishmizni  kutmagan edik. Barchasini boshdan boshlab o'zgartirishga erishdik. Imkoniyatimizni yaxshilab oldik. Keyingi o'yinlarda ham ijobiy natijani qayd etib, keyingi bosqichga chiqish masalasini hal etmoqchimiz. BAA chempionatida chempion bo'lishga imkoniyatimiz kam. Bizdan OChLda ko'p narsa kutishoqda. Ertangi o'yinda eng yaxshi va eng kuchli tarkibni maydonga tushiramiz. Raqibimiz yaxshi shakllangan va har ikkala qanoti yaxshi o'yin ko'rsatadi. Biz o'z uslubimizdagi  o'yin namoyish etamiz. Qolaversa o'zbek klublari bilan o'ynash bo'yicha tajribaga egamiz. Ertangi o'yin OChL guruh bosqichidagi eng qiyin o'yinimiz bo'ladi. Chunki har ikkala jamoa keyingi bosqichga chiqishni maqsad qilgan. Musobaqa boshlanishidan oldin hech kim "Al Jayish"ni 4-turdan keyin keyingi bosqich masalasini hal etishini kutmagandi. Menimcha ular guruh bosqichi taqdirini hal qilib bo'ldi”, – deydi Zlatko Dalich. “Ertaga biz uchun muhim va qiyin o'yin kutib turibdi, biz ertaga g'alaba uchun maydonga tushamiz va guruhdan chiqish masalasini hal qilmoqchimiz. Men BAAda yaxshi o'ynab, jamoamiz maqsadini amalga oshirishda yaqindan yordam berishni hohlayman va muxlislar talab qilgan o'yinni ko'rsatsam, deyman. Boshqa maqsadlar haqida o'ylashni keyinga qoldiraman, – deydi Li Myung Ji. 
— deya xabar beradi uff.uz nashri.