Osiyo chempionlar ligasi 5-turida Qarshining “Nasaf” klubi o'z maydonida BAAning “Al-Ahli” jamoasiga qarshi bahs olib boradi. Mazkur uchrashuv oldidan o'tkazilgan matbuot anjumanining ikkinchi qismida qarshiliklar ustozi Ro'ziqul Berdiev va jamoa yarim himoyachisi Dilshod Rahmatullaev ishtirok etdi. “Ertaga jamoamiz g'alaba uchun kurashadi. Raqibimiz kuchli va jiddiy. Ammo imkoniyatlar teng. Omad kim tomonda bo'lsa, uch ochkoga ega bo'ladi. Tarkibda yo'qotishlar bor. A'zamov ikkita sariq olganligi uchun va Shomurodov jarohati bois, ular ertaga  yordam bera olmaydi. "Al Ayn" yaxshi shakllangan, kuchli legionerlarga ega jamoa hisoblanadi. Jamoa tarkibida faqat legionerlar emas, balki BAAning eng kuchli futbolchilari ham jamlangan. Ertaga ortiqcha bosimsiz harakat qilish kerak. O'yinchilarimizga xotirjam harakat qilishlari kerakligini tushuntirdim. Uzoqdan zarba berish? Imkon darajada buni tushuntiramiz. Raqib ham bunga imkon bermaslikka harakat qilishi turgan gap. "Al-Ayn" hujumchilari qarshi hujumda o'ta xavfli. Ularni kuchli va kuchsiz tomonlarini o'rganib, yigitlarga tushuntirishga urindik. Yigitlar o'yin davomida aynan ularning etakchilariga imkoniyat bermagan holda, o'z imkoniyatlaridan samarali foydalanishlarini uqtirdik”, – deydi Ro'ziqul Berdiev.   Ertanga o'yinda g'alaba uchun maydonga tushamiz. Yorug' yuz bilan o'yinni yakunlashga harakat qilamiz. Biz uchun boshqa yo'l yo'q, – deya qo'shimcha qildi Dilshod Rahmatullaev.  
— deya xabar beradi uff.uz nashri.