Kievning "Dinamo" klubi yarim himoyachisi Andrey Yarmolenko Ukraina chempionati doirasida "Goverla"ga qarshi kechgan bahsda gol urdi va jamoasining 2:0 hisobidagi g'alabasiga hissa qo'shdi.
Yigirma olti yoshli yarim himoyachi shu tariqa Ukraina chempionatlaridagi ishtiroki davomida 39-marta jamoasiga g'alaba keltirgan gol muallifiga aylandi. Bunga qadar "Dinamo"ning sobiq hujumchilari Maksim Shatskix va Sergey Rebrovlar shunday natija qayd eta olgan edilar.
Andrey Yarmolenko joriy mavsum Ukraina chempionatida 21 o'yinda maydonga tushib, 13 ta gol urgan va 11 ta golli uzatmani amalga oshirgan.
— deya xabar beradi uff.uz nashri.