Milanning "Inter" klubi bosh murabbiyi Roberto Manchini klub prezidenti Erik Tohirni avvalgi rahbar - Massimo Moratti bilan qiyosladi.
"Agar klub prezidenti eng yaxshi futbolchilarni sotmasligini aytgan bo'lsa, demak u vaziyatni yaxshiroq tushunadi. Men avval ham aytganman, bizda moliyaviy imkoniyatlar juda yaxshi. Biz kuchli futbolchilarni sotib olish uchun barcha imkoniyatga egamiz.
Tohir va Moratti - mutlaqo boshqacha insonlar. Umid qilamanki, Erik ham "Inter" bilan Moratti erishgan yutuqlarni qo'lga kirita oladi. Buning uchun sabr va vaqt kerak.
Tohir menga jamoada qolishimni aytdi. Moratti ham men uchun muhim ahamiyatga molik inson bo'lgan, u menga "Inter"ni boshqarish imkonini bergan edi. O'tgan vaqt davomida men klub bilan ettita sovrin yutib olgan edim. Kelasi mavsum skudettoni yutish kerak.
Shunga umid qilamiz. Biz hozir navbatdagi beshta o'yinda g'alaba qozonish haqida o'ylashimiz lozim, o'shanda kelasi mavsum haqida bosh qotiramiz", - deydi Manchini.
— deya xabar beradi uff.uz nashri.