Ertaga Osiyo chempionlar ligasi 5-turida Toshkentning “Bunyodkor” klubi Qatarning “Lahviya” jamoasiga qarshi bahs olib boradi. Uchrashuvdan oldin tashkil etilgan matbuot anjumanida “Bunyodkor”ustozi Sergey Luchshan va Akmal Shorahmedov ishtirok etdi. “Keyingi bosqichga o'tish uchun imkoniyat hali bor. “Lahviya”ga qarshi ertangi o'yinda hujumkor o'ynaymiz va g'alaba qozonishga harakat qilamiz. Raqibning har bir o'yinini kuzatib chiqdik. Ular kuchli, ammo zaif tomonlari ham bor. “Lavhiya”ning himoyasidagi bo'shliqlardan foydalanamiz”, – deydi Sergey Ivanovich. “Ertaga turnir jadvaliga qaramasdan turib faqat yutuq uchun maydonga tushamiz. G'alaba qozonsak o'zimizga ishonch ortadi. Muxlislar bizni qo'llab-quvvatlaydi deb umid qilaman”, – deya qo'shimcha qildi Shorahmedov. 
— deya xabar beradi uff.uz nashri.