"Roma" klubida bosh murabbiyi Luchano Spaletti va jamoa sardori Franchesko Totti o'rtasida kelishmovchilik juda kuchayib ketdi.
Xabar qilinishicha, Spaletti klub rahbariyati oldiga shart qo'ygan va "Roma" Totti bilan yangi shartnoma imzolagan taqdirda jamoa boshqaruvidan ketishini aytib o'tgan.
Biroz vaqt muqaddam "Atalanta"ga qarshi kechgan o'yinda (3:3) Totti 86-daqiqada gol kiritgan edi. Shundan so'ng tribuna ostida kelishmovchilik boshlanib ketgan.
Biroq o'yindan so'ng Spaletti va Totti bu xabarni inkor etgan edi.
— deya xabar beradi uff.uz nashri.