«PSJ» rahbariyati "Chelsi" klubi sobiq bosh murabbiyi Joze Mourino bilan muzokara boshladi. Parijliklar Chempionlar ligasi chorak finalidagi muvaffaqiyatsizlikdan norozi va bosh murabbiy Loran Blanni iste'foga chiqarish niyatida.
Xabar qilinishicha, Mourino mavsum oxiriga qadar kutishni va "Manchester Yunayted" tomonidan bildiriladigan taklifni kutishga qaror qilgan. Ammo shu bilan birga u «PSJ»dan tushadigan taklifni ham inobatsiz qoldirmoqchi emas. Mankunianliklar yozda Lui van Galning kelajagi borasida chiqaradigan qarorga qarab Mourino rejalarini tuzadi.
«PSJ» prezidenti Nasser Al Xelaifi ikki marta Joze Mourinoga taklif bilan chiqqan edi. Ular o'rtasida do'stona aloqa bor. Parijliklar rahbari «PSJ» aynan Mourino qo'l ostida EChLda g'olib chiqishiga ishonmoqda.

— deya xabar beradi uff.uz nashri.