"Lester" hujumchisi Jeymi Vardi ikkita o'yinga diskvalifikatsiya qilindi. Xabar qilinishicha, Angliya futbol assotsiatsiyasi aynan shunday jazoni munosib deb hisoblagan. Shu tariqa hujumchi Angliya chempionati doirasida "Suonsi" va "Manchester Yunayted"ga qarshi kechadigan o'yinlarda maydonga tushmasligi kutilmoqda.
Biroz vaqt muqaddam Angliya futbol assotsiatsiyasi Jemi Vardiga nisbatan ayblov e'lon qilgan va "Vest Xem"ga qarshi kechgan o'yinda (2:2) qizil kartochka olgan vaziyatda o'zini yomon tutganini e'tirof etgan edi. Vardi 56-daqiqada simulyatsiya ishlatib, ikkinchi sariq kartochka ishlab olgan edi. Shundan so'ng futbolchi o'yinni boshqargan hakam Jonatan Mossaga nisbatan haqoratli so'zlarni ishlatgan.
Vardi 21 aprelga qadar ushbu ayblovga qarshi javob berishi mumkin.
— deya xabar beradi uff.uz nashri.