Filippin poytaxti Manila shahrida Taekvondoning WTF yo'nalishi bo'yicha Osiyo chempionati boshlandi.
Qit'aning etakchi taekvondo ustalari ishtirokida o'tayotgan mazkur nufuzli musobaqada hamyurtlarimiz orasida birinchi bo'lib bahslarga amaldagi jahon chempioni Dmitriy Shokin va jahon chempionati sovrindori Jasur Boyqo'ziev tushdilar.
Eng og'ir vazn toifasida bahs yuritgan Dmitriy Shokin o'z vaznida dunyoning tengsiz sportchisi ekanligini amalda yana bir bora isbotladi va Osiyo chempionatining oltin medaliga sazovor bo'ldi.
Terma jamoamiz etakchilaridan yana biri Jasur Boyqo'ziev esa qit'a chempionatining bronza medali sovrindori bo'ldi.
Osiyo chempionati davom etmoqda. Shavkat Jalilov
— deya xabar beradi uff.uz nashri.