«Aston Villa» klubi hujumchi Gebriel Agbonlaxorni mashg'ulotlardan chetlatilganini rasman ma'lum qildi.
Bunga sabab sifatida o'tgan dam olish kunlari futbolchining o'zini tutishi ko'rsatilgan. Klub hozircha ichki surishtiruv ishlari yakunlangunga qadar bu borada qo'shimcha axborot berishdan tiyilmoqda.
Biroz vaqt muqaddam Britaniya matbuotida hujumchi dam olish kunlari spirtli ichimliklar iste'mol qilgani va kishini quvnoq holatga tushiruvchi gaz xidlab, ko'ngilxushlik qilgani xabar qilingan edi. O'sha kuni «Aston Villa» klubi Premer-ligadan tushib ketishi ma'lum bo'lgani holda futbolchining o'zini bunday tutishi klub rahbariyatining jahlini chiqargan.
Eslatib o'tamiz, «Aston Villa» o'tgan turda safarda "Manchester Yunayted"dan 0:1 hisobida mag'lub bo'ldi va premer ligadan tushib ketishi aniq bo'lib qoldi.
— deya xabar beradi uff.uz nashri.