Osiyo Chempionlar ligasi 5-turida BAAning “Al-Jazira” jamoasi o'z maydonida Toshkentning “Paxtakor” klubini qabul qildi. Unda 1:3 hisobi qayd etilib, toshkentliklar foydasiga hal bo'ldi. Uchrashuvning 10 daqiqasida Sherzod Karimov hisobni ochdi. Tanaffusga qadar ushbu hisob o'zgarmay qoldi. Ikkinchi bo'limning 62 daqiqasida Nikita Ribkin o'z jarimay maydonchasida raqib futbolchisiga nisbatan qo'pol o'ynadi, deb topildi va uning darvozasi tomon penalti belgilandi. Ali Mabxut uni bexato bajardi. Ikki daqiqa o'tar-o'tmas Igor Sergeev “Al-Jazira” himoyachilarining xatosidan unumli foydalanib, jamoasini oldinga olib chiqdi. 84 daqiqada yana Sergeev katta sahnaga chiqdi. O'zbekiston milliy terma jamoasi hujumchisini raqib jarima maydonchasida yiqitishdi va uning o'zi 11 metrlik jarima zarbasini amalga oshirdi va hisobni 1:3 ko'rinishiga olib keldi. Ushbu g'alabadan so'ng “Paxtakor” nazariy jihatdan keyingi bosqichga chiqish uchun imkoniyatni saqlab qoldi. OChL–2016. “S” guruhi, 5-tur “Al-Jazira” – “Paxtakor” 1:3 Gollar: Mabxut (62), Karimov (10), Sergeev (64, 84-pen) Ogohlantirishlar: Xalfan (43), Mabxut (54) — Sohibov (19), Ahmedov (22), Ribkin (62) “Al-Jazira”:  Al Senani, Xalfan, Makbut, Jong-Vu, Tiago Neves, Gelani, Rashid, Musa, Yusuf, Al Xashmi (Jons, 66), Abdulaziz. “Paxtakor”:  Nikita Ribkin, Adnan Oraxovats, Vladimir Kozak (Ismatullaev, 74), Davron Hoshimov, Azim Ahmedov, Sherzod Karimov (Berdiev, 90), Jaloliddin Masharipov (Qilichev, 87), Jamshid Boltaboev, Tojiev, Javohir Sohibov, Igor Sergeev.    
— deya xabar beradi uff.uz nashri.