Osiyo chempionlar ligasi 5-turida BAAning “Al-Jazira” jamoasi o'z maydonida Toshkentning “Paxtakor” klubini qabul qiladi. Ushbu sahifa orqali o'yinning e'tiborga loyiq voqealari bilan tanishib borishingiz mumkin bo'ladi. “Al-Jazira” – “Paxtakor” 1:3 (Ikkinchi bo'lim) Gollar: Mabxut (62), Karimov (10), Sergeev (63, 84-pen) Ogohlantirishlar: Xalfan (43), Mabxut (54) — Sohibov (19), Ahmedov (22), Ribkin (62) “Al-Jazira”:  Al Senani, Xalfan, Makbut, Jong-Vu, Tiago Neves, Gelani, Rashid, Musa, Yusuf, Al Xashmi (Jons, 66), Abdulaziz. “Paxtakor”:  Nikita Ribkin, Adnan Oraxovats, Vladimir Kozak (Ismatullaev, 74), Davron Hoshimov, Azim Ahmedov, Sherzod Karimov, Jaloliddin Masharipov (Qilichev, 87), Jamshid Boltaboev, Tojiev, Javohir Sohibov, Igor Sergeev.   1'. Uchrashuv boshlandi. "Paxtakor"ga omad tilab qolamiz. 2'. "Al-Jazira" futbolchilari bugun oq, "Paxtakor" esa sariq liboslarda maydonda harakat qiladi.  4'. O'yin asosan maydona markazida o'tmoqda. Raqiblar bir-birini o'rganyapti. 6'. Toshkentliklar ancha faol. Ularga halaba suv va havodek zarur.  8'. "Paxtakor" futbolchilari burchakdan to'pni o'yinga kiritib berishdi. Ammo standart vaziyat besamar yakunlandi.  10'. GOOOLLL!!! Sherzod Karimov jarima zarbasini zargarona tarzda amalga oshirib, uchrashuvda hisobni ochdi — 0:1.  12'. Eh, hakam Masharipovning yo'lini to'sib qo'ydi. Agar u halal bermaganida vaziyat xavfli ko'rinish olishi mumkinedi. U atayin bunday qilmaganiga ishonamiz. Har holda u uzr so'rab qo'ydi.  17'. Xavfli vaziyat!!! Nikita Ribkin raqib futbolchisining zarbasidan so'ng to'pni ishonchli tarzda ushlab oldi. Ehtiyot bo'lish kerak. 19'. Oraxovatsning xatosi bizga qimmatga tushishi mumkin edi. Yaxshiyamki Nikita Ribkin o'z vaqtida to'pga joyidan qo'zg'alib, oldinga tashlandi hamda raqibning zarbasini jonbozlik bilan qaytardi.  20'. Ko'z tegmasin, Ribkin ishonchli o'ynamoqda. Himoyachilar e'tiborliroq bo'lsa maqsadga muvofiq bo'lardi.  22'. Endi Azim Ahmedov ogohlantirish oldi. "Al-Jazira" futbolchisining ayyorona harakatlari evaziga "Paxtakor" yarim himoyachisi jazolandi.  25'. Xavfli vaziyat!!! Al-Xashmi sal bo'lmasa "sherlar" darvozasini ishg'ol qilardi. "Paxtakor" baxtiga uning zarbasi aniq chiqmadi. 26'. Sohiboooov!!! Attang, uning kuchli zarbasi aniq yo'nalish olmadi. Hech qisi yo'q, kelasi safar unga omad kulib boradi deb umid qilamiz. 27'. "Paxtakor" himoyasida muammo! Orxovats ancha sarosimada, Boltaboev ham unga ishonib qoldi. Yaxshiyamki raqib hujumchisi offsaydga tushib qoldi. Bo'lmasa hisob tenglashishi ham mumkin edi.   30'. Kamoliddin Tojiev raqibini yiqitdi. Bu safar hakam hambrtimizni ayadi va og'zaki ogohlantirish bilan cheklandi.  31'. Jarima zarbasi biroz xavfli ko'rinish oldi. Lekin Ribkin o'z joyida! 36'. "Al-Jazira" futbolchisi o'yindan tashqari holatda qolib ketdi. Ribkin erkin zarba bilan to'pni o'yinga kiritib beradi. 39'. Mana bu "Paxtakor" avvalroq qaerda edi? Kombinatsion o'yin, tezkorlik. Hammasi bor, faqat gol urilsa bo'lgani.  40'. Navbatdagi burchak to'pi "Paxtakor" uchun samarali yakun topmadi.  43'. Avstraliyalik hakam Kozakka nisbatan qo'pol o'ynagan Xalfanni sariq kartochka bilan jazoladi. Ushbu ko'rsatkich bo'yicha 1:2, "Paxtakor" oldinda.  45'. Birinchi bo'limga 1 daqiqa qo'shib berildi.  45+1'. Birinchi bo'lim tugadi. "Paxtakor" safarda 1:0 hisobida zafar quchmoqda. Tanaffus! 46'. Ikkinchi bo'lim boshlandi. Ilk daqiqayoq "Paxtakor" futbolchilari o'yin qoidasini buzishdi.  48'. "Paxtakor"ning uch futbolchisi hujum uyushtirgan edi. Ammo qulay vaziyatdan toshkentliklar fodalana olmadi.  50'. "Paxtakor" 1 daqiqa ichida ikkita burchak zarbasini ishlab oldi. Har ikki standart vaziyat besamar yakunlandi. Aniqroq harakat qilish kerak, yigitlar! 54'. Ali Mabxut qo'polligi uchun sariq kartochka bilan "taqbirlandi". 57'. Sergeevning kam sonli zarbalaridan biri anchagina noaniq chiqdi. Uning o'zi ham ushbu zarbadan hayratga tushgan bo'lsa, ajab emas.  61'. Arablar o'z "repertuari"da. Ribkin to'pni qaytargandi, to'p esa uning qo'lidan chiqib ketdi. Ribkin to'pga otlanganida "Al-Jazira" futbolchisi baqirib, erga yotib oldi. Hakam jalg'idi va Ribkin darvozasi tomon penalti belgiladi.  62'. GOL! Ali Mabxut penaltidan gol kiritdi. 63'. GOOOOLLL!!! Adolat qaror topdi. 1 daqiqa o'tar-o'tmas Igor Sergeev hisobni oshirdi. Ushbu vaziyatda Sergeev raqib himoyachisining xatosidan unumli foydalandi.   65.' "Paxtakor" futbolchilari tushkunlikka berilmadi va bu o'z samarasini berdi.  66'. "Al-Jazira" tarkibida o'zgarish: Al Xashmi o'rniga maydonga Kelvin Jons tushdi. Arablarning hujumchilari soni 3 taga etdi. 74'. "Paxtakor"da o'zgarish: Vladimir Kozak o'rniga Ismatullaev tushdi  76'. Ali Mabxutning jarima zarbasi noaniq chiqdi.   81'. "Paxtakor" g'alabaga yaqin kelmoqda. 10 daqiqadan sal oshiq vaqt bor.  83'. Sergeevni raqib jarima maydonchasida yiqitishdi. Penalti!!! Sergeev to'p oldida.  87'. "Paxtakor"da o'zgarish: Masharipov o'rniga Oybek Qilichev maydonga tushdi.  90' Uchrashuvga 3 daqiqa qo'shib berildi.  90+1'. Toshkentliklar safida so'nggi o'zgarish: Sherzod Karimov o'rniga Suhrob Berdiev o'yinga tushdi.  90+3'. Uchrashuv yakunlandi! "Paxtakor" 3:1 hisobida zafar quchib, pley-offga chiqish imkoniyatini saqlab qoldi. 
— deya xabar beradi uff.uz nashri.