Charli Ostin «Manchester Yunayted»-«Sautgempton» bahsida maydon egalari darvozasini aniq nishonga oldi. Bu futbolchi ancha yillardan beri to'p tepib yurgan bo'lsa-da, muxlislar uchun notanishligicha qolyapti. Balki, bunga chek qo'yish vaqti kelgandir.
O'yin kunigacha hamma uchun noma'lum bo'lib kelgan futbolchining uchrashuv oxiriga borib qahramonga aylanishi har qanday muxlisga moyday yoqishi aniq. U maydonga sanoqsiz tushgan bo'lsin, ammo doimo nisbatan yorqinroq o'yin ko'rsatgan, ko'proq gol uradigan jamoadoshi soyasida qolib ketaverdi. Yana ham yomoni, bu yigit jamoaga qanchalik foyda keltirmasin, jamoaviy o'yin bo'lmagach biror-bir arzirli natijaga erishish qiyin.
«Old Trafford»dagi uchrashuv ancha zerikarli o'tdi va uni tomosha qilishga turtki bo'lgan sababni topish ham qiyin bo'ldi. Eng kutilmagani o'yin qahramoni sifatida hech kim xayoliga ham keltirmagan futbolchi topildi. Charli Ostin jamoasi uchun g'alabani yutib olibgina qolmay, shu kungacha barcha uchun oddiy bo'lgan ismi-sharifini futbol nashrlarining 1-sahifasiga muhrlab qo'ydi. To'g'ri, bu turda «Liverpul»ning erishgan g'alabasi kabi nisbatan yorqinroq voqealar ham kuzatildi, ammo Ostinning nomi kichikroq harflarda bo'lsa-da, gazetalar yuzidan joy oldi.
O'tgan yili KPR elita bilan xayrlashganida kam odam londonliklar to'purari iqtidorini anglab etgandi. Ostin esa chempionlikdan «qulagan» klubda qolgan etmaganiday, birinchi davradan so'ng «Loftus Roud»da qolishini aytdi: «Mavsum boshida Les Ferdinandga mavsumni shu erda o'tkazishimni bildirdim. Hech qayoqqa ketmoqchi emasman - KPRda qolaman». 25 yoshli Ostin o'tgan mavsumda APLda 4 - bombardirga aylangandi. Hatto «Bernli» va «Xall Siti»lardan ortda qolib, chempionatni so'nggi o'rinda yakunlagan klub o'yinchisi uchun yomon natija emas, shunday emasmi?!
Davomi InterFUTBOL gazetasi blogida.
— deya xabar beradi uff.uz nashri.