Dortmundning “Borussiya” klubi yarim himoyachisi Ilkay Gyundogan “Manchester Siti” jamoasiga o'tib ketishga yaqin turibdi. Daily Mail nashrining ma'lumotiga ko'ra, ingliz klubi mavsum oxirida 25 yoshli germaniyalik futbolchi uchun 23 million funtdan (29 million evro) voz kechadi. Gyundogan uchun kurashda “Siti” “Arsenal”, “Liverpul”, “Barselona” hamda “Yuventus” klublarini ortda qoldirdi. Avvalroq, xavbek “shaharliklar” bilan besh yillik shartnoma borasida kelishib olgani ma'lum bo'lgandi. Futbolchi “Borussiya” bilan yangi bitim imzolashdan bosh tortgan va bir yildan so'ng erkin agentga aylanishi mumkin.
— deya xabar beradi uff.uz nashri.