“Tottenxem” jamoasi hujumchisi Xarri Keynning fikricha, jurnalistlar va muxlislarning tanqidi uning ijobiy natijalariga ta'sir o'tkazmoqda. “Mavsum avvalida ko'pchilik meni bir mavsumli futbolchi degandi. Bu gaplar esa meni oldinga undadi. Men buning aksini isbotlamoqchi bo'ldim va bunga erishdim ham. Ko'proq gol urib, jamoamga foyda tegishini istayman. “Tottenxem” qolgan o'yinlarda g'alaba qozonib, “Lester”ga  etib olishi kerak. Natijalardan farqli o'laroq chempionlik kurashidan chiqib ketmaymiz”, – dedi angliyalik futbolchi. Xarri Keyin APLning 7-turiga qadar gol kirita olmagan edi. Endi esa 34 o'yinda maydonga tushgan futbolchi hisobida 24 ta gol mavjud. Eslatib o'tamiz, Angliya chempionatida 68 ochko bilan ikkinchi o'rinda borayotgan “Tottenxem” turnir peshqadami “Lester”dan 5 ochkoga ortda bormoqda. 
— deya xabar beradi uff.uz nashri.