Bilasiz, Jahon chempionati-2018 saralashining uchinchi bosqichida O'zbekiston terma jamoasi “A” guruhida kurash olib boradi. Biz o'rin olgan guruhdagi favoritlardan biri deya sanlayotgan Eron terma jamoasida tez orada bosh murabbiy o'zgarishi mumkin.
Yaqinda Eron termasining hozirgi ustozi Karlos Keyrush eronlik rasmiylar bilan kelisha olmayotgani sabab ish joyini o'zgartirish niyati bor ekanini ma'lum qilgandi. Shundan so'ng Eron futbol federatsiyasi unga o'rinbosar izlash ishlarini boshlab yubordi.
Asosiy nomzod sifatida esa ayni paytda hamyurtimiz Aleksandr Lobanov faoliyat yuritayotgan “Persepolis”jamoasi ustozi Branko Ivankovich e'tirof etilayotgan ekan. 62 yoshli xorvatiyalik mutaxassisning “Persepolis” bilan tuzgan shartnomasida agar yaxshi taklif tushsa, u jamoadan ketishi mumkin ekani borasida band mavjud. Shu boisan Osiyo futbolini yoritib boradigan bir qator nashrlar Ivankovichning Keyrush o'rnini egallashi haqiqatga yaqin ekanini yozishmoqda.
Davomi Sports.Uz blogida.
— deya xabar beradi uff.uz nashri.