“Bunyodkor” – “Lahviya” uchrashuvidan keyin tashkil etilgan matbuot anjumanining birinchi qismida qatarliklar ustozi Jamol Belmadi ishtirok etdi.
- Toshkentga uch ochko ilinjida kelgandik. Maqsadimizga erishganimizdan xursandman. Bugun biz yaxshi o'ynadik va haqli ravishda g'alaba qozondik. Kuchli o'yin ko'rsatganimiz g'alabamiz omili bo'ldi. Shuningdek, omad ham bizga kulib boqqanini aytishim kerak. “Bunyodkor”ning nozik tomonlari haqida gapirishni istamasdim. Bu hurmatsizlik bo'lardi. O'ylashimcha, guruhdan “Zob-Ahan” va biz keyingi bosqichga chiqsak kerak, - deydi Jamol Belmadi.
- Bu erga g'alaba qozonish uchun kelgandik. Avvaldan o'ylab qo'ygan rejalarimiz ish berdi. O'z darvozamiz dahlsizligini saqlab turdik. Natijada “Bunyodkor” gol urish uchun oldinga intildi va qarshi hujumlardan foydalandik, - deydi uchrashuvning eng yaxshi futbolchisi deb topilgan Karim Budiaf.
— deya xabar beradi uff.uz nashri.