«Real» jamoasi bosh murabbiyi Zayniddin Zidan «Vilyarreal»ga qarshi Ispaniya chempionati 34-turidan so'ng o'yin haqida qisqacha to'xtalib o'tdi. «Biz yaxshi o'yin o'tkazdik. Dastlabki daqiqalardan kerakli darajada o'yin ko'rsatib, himoyani mustahkam ushlab turdik. Bugungi o'yinda maydonga tushgan barcha futbolchining o'yini menga yoqdi. Chempionlik poygasida hali hech narsa o'zgarganicha yo'q, biz hamon bir ochkoga ortda qolyapmiz. Ronaldu o'yin so'nggida o'zini yomon his qildi. Hozircha hech narsa aniq emas. Tekshiruvdan so'ng barchasiga oydinlik kiritiladi. Ishonchim komil, hech qanday jiddiy muammo yo'q», – deydi Zidan. 
— deya xabar beradi uff.uz nashri.