"Roma" bosh murabbiyi Luchano Spaletti "Torino"ga qarshi kechgan o'yinda zaxiradan maydonga tushib, so'nggi daqiqalarda ikkita gol kiritib jamoasining 3:2 hisobidagi g'alabasiga sababchi bo'lgan Franchesko Totti haqida iliq fikr bildirdi.
"Bu juda muhim ahamiyatga molik g'alaba. Ayniqsa raqiblar qayd etgan natijaga qaraydigan bo'lsak.
Bugun Totti "Atalanta"ga qarshi kechgan o'yinda unga topshirilgan vazifani aynan bajardi (3:3). Franchesko maydonda ekan, butun stadion bizga muxlislik qiladi. Qolgan futbolchilar ham shunga yarasha o'yin namoyish qiladilar. Bugun biz Tottini ertaroq maydonga tushirishni ko'zlagandik, ammo "Torino"ning ikkinchi goli rejalarni o'zgartirib yubordi.
Jamoa muammolarga duch kelayotgan vaqtda Tottining maydonga tushishi o'sha muammolarni hal qilishda eng yaxshi vosita", - deydi murabbiy.
Eslatib o'tamiz, Totti va Spaletti o'rtasida kelishmovchilik borligi bir necha bor xabar qilingan edi.
— deya xabar beradi uff.uz nashri.