Sport kurashlari bo'yicha mamlakatimiz terma jamoalari 22-24 aprel kuni Mo'g'iliston poytaxtida o'tkaziladigan birinchi jahon litsenzion musobaqasida ishtirok etish uchun Ulan-Bator shahriga jo'nab ketdilar.
Mazkur nufuzli musobaqada erkin va yunon-rim kurashida 1-3 o'rinlarni, ayollar kurashida esa 1-2 o'rinlarni egallagan sportchilari XXXI yozgi Olimpiada o'yinlariga yo'llanmani qo'lga kiritadilar.
Jahon litsenzion turnirini yunon-rim kurashchilari boshlab beradilar. 22 aprel kuni o'tkaziladigan bahsda 59, 66, 75, 85, 130 kg. vazn toifalarida bellashuvlar bo'lib o'tadi. Musobaqaning ikkinchi kuni ayollar o'rtasida 48, 53, 58, 63, 69, 75 kg. vazn toifalari bellashuvlar o'tkazilsa, 24 aprel kuni erkin kurash bo'yicha 57, 65, 74, 86, 97, 125 kg. vaznlarda bahslar bo'lib o'tadi.
Quyida, Mo'g'ilistonga yo'l olgan terma jamoamiz tarkibi berilgan:
Yunon-rim kurashi: - Elmurat Tasmuradov (-59 kg), Nurbek Xolmuhammatov (-66 kg), Suhrob Fattoev (-98 kg), Mo'min Abdullaev (-130 kg).
Ayollar kurashi: - Zuhra Mustanova (-53 kg), Nabira Esenbaeva (-58 kg).
Erkin kurash: - Nodirjon Safarov (-57 kg), Rashid Kurbanov (74 kg), Umidjon Ismanov (-86 kg), Magomed Ibragimov (97 kg), Hasanboy Raximov (-125 kg). Shavkat Jalilov O'zbekiston Milliy Olimpiya qo'mitasi
matbuot xizmati
— deya xabar beradi uff.uz nashri.