AQShning “Mayami” jamoasi bosh murabbiyi Alessandro Nesta «Udineze» klubi faxriysi, Antonio Di Nataleni o'z safida ko'rmoqchi. Italiya termasi va “Milan” klubi sobiq himoyachisi Nesta 38 yoshli futbolchiga “Mayami”da bir mavsum davomida to'p surishga ko'ndirmoqchi. Di Natalening “Udineze” bilan amaldagi shartnomasi ushbu mavsum so'nggida yakuniga etadi. Tajribali hujumchi 2004 yildan buyon “Udineze” sharafini himoya qilib kelmoqda. U 444 uchrashuvda 226 ta gol kiritgan. “Mayami” jamoasi ayni damda AQSh futbol ligasining ikkinchi divizioni hisoblanadigan NASLda ishtirok etadi. 
— deya xabar beradi uff.uz nashri.