Madridning «Real» klubi bosh murabbiyi Zinedin Zidan hujumchi Benzema haqida iliq fikr bildirdi.
"Benzema - "Real" uchun juda muhim ahamiyatga ega futbolchi. Balki u aynan hozir har qachongidan ham kerakdir.
U maydonda katta hajmdagi ishni bajaradi - gol uradi, golli uzatmalarni amalga oshiradi va har bir jamoadoshiga yaxshiroq o'ynashda yordam beradi. Ba'zan so'nggi daqiqalarda charchab qolishiga kelsak, bu odatiy holat. Chunki u eng ko'p yugurgan va mehnat qilgan futbolchilardan va hujumda ham, himoyada ham birdek o'ynaydi", - deydi Zidan.
Eslatib o'tamiz, Benzema joriy mavsum "Real" tarkibida turli musobaqalarda 30 ta o'yinda maydonga tushdi va 26 ta gol kiritdi.
— deya xabar beradi uff.uz nashri.