«Manchester Yunayted» bosh murabbiyi Lui van Gal Angliya chempionati doirasida qolgan to'rtta o'yinning barchasida g'alaba qozonish zarurligini aytib o'tdi.
"Mavsum oxirida EChL yo'llanmasi uchun "Arsenal" va "Manchester Siti" bilan poygada qatnashamizmi? Biz butun mavsum davomida ular bilan poygalashib kelmoqdamiz, ammo aynan hozir ular bilan musobaqa jadvalida yonma-yon holatda ekanimizdan behad xursandman.
«Manchester Yunayted»ni oldinda yana to'rtta o'yin kutib turibdi va ularning barchasida g'alaba qozonishimiz shart", - deydi van Gal.
Eslatib o'tamiz, "MYu" so'nggi turlarda o'z maydonida "Lester" bilan o'ynaydi va so'ngra safarda "Norvich" hamda "Vest Xem"ga qarshi maydonga tushishi lozim. Oxirgi turda esa o'z maydonida "Bornmut"ga qarshi kurash olib boradi.
— deya xabar beradi uff.uz nashri.