«Milan» klubi hamda Ukraina terma jamoasi afsonasi Andrey Shevchenko hozirda bosh murabbiy yordamchisi sifatida Evro-2016ga qizg'in tayyorgarlik ko'rmoqda. La Gazzetta dello Sport nashri «Milan»ning «Yuventus»ga qarshi o'yini bahonasida sobiq hujumchiga murojaat etib, uning yangi sohadagi rejalari, «rossonerlar»ning bugungi holati va kelajagi xususida suhbatlashdi.
- Andrey futbolchilik faoliyatingiz davomida «Yuventus»ning saviyali himoyachilariga qarshi to'p surgansiz...
- Ha, «Yuventus» doimo kuchli tarkibga ega bo'lgan - Zayniddin Zidan, Alessandro del Pero, Filipo Inzagi, Antonio Konte, Dide Desham, Pavel Nedved, Kristian Veri, David Trezege... Biroq hujumda o'ynaganim uchun asosan himoyachilarga e'tibor  qaratardim: Fabio Kannavaro, Paolo Montero, Chiro Ferrara, Mark Luliano va albatta, Janluiji Buffonga.
- Qaysi lavha xotirangizdan chuqurroq o'rin olgan?
- Deyarli barcha voqealarni yaxshi eslayman - o'yinlarni qayta-qayta tomosha qilishni yoqtirardim. O'ylashimcha, faoliyatimning muvaffaqiyatli kechishiga sabab ham shu. Zero, mudom yanada yaxshiroq o'ynashga intilardim. Faqat, so'nggi yillarda qandaydir o'zgarishlar yuz berdi. Shunga qaramay, futboldagi hayotimdan sira nolimayman. Chunonchi, bir qator uchrashuvlarda a'lo saviyani namoyish etdim. Jumladan, Evro-2012da Shvetsiya termasiga qarshi kechgan uchrashuv yaxshi taassurot qoldirdi.
- O'zingizni Ukraina terma jamoasi bosh murabbiyi sifatida tasavvur qila olasizmi?
- Ochig'i, hozircha murabbiy yordamchisiman, saboq olishda davom etyapman. Shunday imkoniyat bergani uchun mamlakat futbol feleratsiyasi rahbariyatidan minnatdorman. Evro-2016 men uchun ulkan tajriba manbai bo'lishiga shubha qilmayman.
- Andrey Shevchenko qanday murabbiylar toifasidan joy oladi?
- Bu borada gapirishga hali erta. Axir faoliyatimni boshlashga ham ulgurganim yo'q, hisobi. Futbolchi sifatida ko'plab buyuk murabbiylardan saboq oldim, ajoyib o'yinchilar bilan grand jamoalarda yonma-yon to'p surdim. Shuning o'zi katta baxt! Xullas, to'plangan qimmatli tajriba yangi vazifalarni uddalashimda qo'l keladi, deb o'ylayman.
- Hozirda italiyalik mutaxassislarga talab kuchli. Deylik, «Chelsi» Antonio Konteni taklif etdi.
- Bu ham Konte, ham jamoa uchun jiddiy sinov. Antonio kuchli xarakterga ega shaxs va murabbiylikda o'z uslubini yarata oldi, uning jamoalari fusunkor o'yin ko'rsatishadi. O'ylashimcha, «Chelsi» uning professional mahoratiga munosib baho berdi.
- Konte tabiatan qattiqqo'l inson. Balki aynan shu jihati «Chelsi» mutasaddilariga ma'qul kelgandir...
- Begona yurtga yo'l olgan mutaxassis muloyimlik fazilatiga ham ega bo'lishi shart. Italiyada yaxshi samara bergan uslub Angliya futboliga mos kelmasligi mumkin. Nazarimda, Konte - puxta tayyorgarlikka ega oqil mutaxassis. Harqalay, «Chelsi»da muvaffaqiyat qozonish uchun barcha fazilatlarga ega.
Davomi InterFUTBOL gazetasi blogida.
— deya xabar beradi uff.uz nashri.