1news.uz —  daryo.uz  internet nashri “JCh-2018 3-saralash bosqichidagi murabbiylar O'zbekiston termasini jiddiy raqib deb hisoblamaydi” xabari bilan futboli ishqibozlari o'rtasida qizg'in bahs-munozaralar bo'lishiga sabab bo'ldi.
Unda Xitoyning Dong Qiudi nashri O'zbekistondan tashqari qolgan barcha mamlakat termalari bosh murabbiylarining futbol bo'yicha JCh—2018 3-saralash bosqichidagi “A” guruhi haqidagi fikrlarini chop etgani ma'lum qilingan (O'zbekiston terma jamoasi Eron, Janubiy Koreya, Xitoy, Qatar hamda Suriya bilan bir guruhdan joy olgandi). Eron terma jamoasi bosh murabbiyi Karlush Keyrush guruhda Janubiy Koreya va Qatarni o'z jamoasiga jiddiy raqib bo'lishini aytgan.
Janubiy Koreya terma jamoasi bosh murabbiyi Uli Shtilike esa eng kuchli raqibi – Eron ekanligini ta'kidlagan. Xitoy terma jamoasi bosh murabbiyi Gao Xong Bo o'z jamoasi uchun jiddiy raqiblar bu — Janubiy Koreya, Eron va Qatar ekanligini aytgan. “O'zbekiston terma jamoasini Osiyo Kubogida mag'lub etganmiz. FIFA reytingida ular bizdan oldinda bo'lsa-da, oktyabr oyida 6 ochko olishimizga ishonaman», – deb qo'shimcha ham qilgan u. Qatar terma jamoasi bosh murabbiyi Xose Daniel Karreno Eronni guruh favoriti deb ma'lum qilgan. Suriya terma jamoasi bosh murabbiyi Fajir Ibrohim esa Eron va Janubiy Koreyadan keyin asosiy raqibi deb Xitoyni aytgan.
Nega O'zbekiston terma jamoasi bosh murabbiyining qur'a natijalari va saralashning uchinchi bosqichi borasidagi fikrlari Xitoy nashrida berilmadi, degan savolga javob izlashga harakat qilib ko'rdik. Osiyo futbol konfederatsiyasi rasmiy veb-sayti ushbu bosqichga jamoalarning qay tarzd etib kelganliklari haqida sharhni bergan holda murabbiylarning qur'a haqidagi fikrlarini keltirmagan. Natijada ushbu marosimda ishtirok etgan O'zbekiston milliy terma jamoasi bosh murabbiyi Samvel Babayan bu haqdagi fikrlari faqat O'zbekiston futbol federatsiyasi matbuot xizmatiga bergan intervyusida  o'z aksini topdi.
Davomi 1News.Uz blogida.
— deya xabar beradi uff.uz nashri.