“Arsenal” jamoasi bosh murabbiyi Arsen Venger “Vest Bromvich”ga qarshi (2:0) Angliya chempionati 30-tur qoldirilgan o'yinidan so'ng o'z fikrlari bilan o'rtoqlashdi. “Biz maydonda yaxshi harakat qildik va texnik jihatdan ustun bo'ldik. Raqibga ko'proq gol ura olmaganimizdan afsusdaman. Erta gol o'z ta'sirini o'tkazdi va jamoani ishonchli o'ynashga undadi. Aleksisning bunday o'yini guvohi bo'lish yoqimli, u aniq va sovuqqonlik bilan harakat qildi. Ayniqsa, birinchi bo'limda. “Arsenal” hozir shunday holatda turibdiki, chempionatni kuchli uchlikda yakunlashimiz faqat o'zimizga bog'liq bo'lib qoldi. Ammo biz yuqoriroq natijaga erishishni istaymiz va kurashda davom etamiz. Muxlislarning stadionga kam kelishi haqidagi savolni izohsiz qoldirishni istayman”, – deydi Venger. “Arsenal” ayni damda 63 ochko bilan turnir jadvalining 3-pog'onasidan joy olgan. 
— deya xabar beradi uff.uz nashri.