2016 yilning 21 aprel kuni qadim Olimpiyada joriy yilning 5-21 avgust kunlari Braziliyaning Rio-de-Janeyro shahrida o'tkaziladigan XXXI yozgi Olimpiada o'yinlari mash'alasining yoqilishiga bag'ishlangan marosim o'tkazildi.
An'anaviy tarzda o'tadigan ushbu marosimning badiiy qismi yakuniga etgach, olimpiya mash'alasini birinchi bo'lib sport gimnastikasi bo'yicha 2015 yilgi jahon chempioni, gretsiyalik Elefterios Petruni yondirdi.
Estafetaning dastlabki bosqichidan zamonaviy olimpiya o'yinlarining asoschisi, baron P'er de Kuberten xaykali oldida mash'alani voleybol bo'yicha ikki karra Olimpiya o'yinlari g'olibi, braziliyalik Jovani Gavio qabul qilib oldi.
Shu tariqa, Olimpiya mash'alasi olti kun davomida Gretsiya bo'ylab olib o'tiladi va 27 aprel kuni mash'ala “Rio-2016” tashkiliy qo'mitasi delegatsiyasiga beriladi. Braziliya bo'ylab mash'alani olib o'tish estafetasi 3 maydan boshlanadi va 5 avgust kuni Rio-de-Janeyro shahrida Olimpiada o'yinlarining tantanali ochilish marosimida nihoyasiga etadi. Shavkat Jalilov O'zbekiston Milliy Olimpiya qo'mitasi
matbuot xizmati
— deya xabar beradi uff.uz nashri.