Londonning “Chelsi” jamoasi yarim himoyachisi Eden Azar “Bornmut”ga qarshi Angliya chempionati 35-turida maydonga tushishi kutilmoqda. “Azar o'yinga tayyor va jamoa bilan o'yinga yo'l oladi. U to'liq o'ynamaydi, lekin zaxiradan maydonga tushishi mumkin. Shu haftada Eden mashg'ulotlarda ishtirok etdi. Umid qilamanki, kelasi haftagacha u to'liq taklanib, avvalgi holatiga qayta oladi”, – dedi Xiddink. “Jon Terriga keladigan bo'lsak, u jamoaga yordam berishga shoshilmoqda. Lekin u hamon individual mashg'ulotlarni o'tamoqda. Uning holati tez kunlarga yaxshilanishiga umid qilib qolamiz, – deya qo'shimcha qildi gollandiyalik murabbiy. 25 yoshli belgiyalik futbolchi jarohati tufayli jamoasining 4 o'yinini o'tkazib yuborgan edi. 
— deya xabar beradi uff.uz nashri.