Futbol bo'yicha Xitoy milliy terma jamoasi yordamchi murabbiyi Ou Chu Liang Jahon chempionati-2018 saralashining uchinchi bosqichiga tashlangan qur'a haqida o'z fikrlarini bildirib o'tdi. “Saralashning ushbu bosqichida kuchsiz raqibning o'zi bo'lmaydi. Shuning uchun ham bizga qaysi guruhga tushishimiz va kimlarga qarshi o'ynashimiz juda muhim emasdi. Eng asosiysi — Xitoy terma jamoasi har bir o'yinda o'zining eng kuchli sifatlarini namoyish qila olishi kerak. Biz shunchaki har bir o'yinga alohida shaylanishimiz va o'zimizning eng yaxshi futbolimizni o'ynashimiz kerak, xolos”. Guruhimizda yo'llanmani qo'lga kiritish uchun hammada imkoniyat bor. Favoritlar ro'yxatida esa Xitoy so'nggi o'rinda tilga olinsa kerak. Shuning uchun biz hozir har bir raqibni juda yaxshi o'rganib chiqishimiz va ushbu raund uchun strategiyamizni ishlab chiqishimiz kerak. Eron terma jamoasi so'nggi besh yilda xalqaro miqyosdagi musobqalarda barqaror ishtirok etib kelyapti. Biror sovrin, masalan Osiyo Kubogini yutish uchun ularga qaerdadir, nimadir etishmayapti. Ayni vaqtda ularda yaxshi jamoa shakllangan va ularning bosh murabbiyi ham jamoa bilan anchadan beri ish olib boryapti. Bu esa juda muhim”, — deydi Xitoy terma jamoasi yordamchi murabbiyi.
— deya xabar beradi uff.uz nashri.