“Liverpul” jamoasi sobiq yarim himoyachisi, ayni damda “Los-Anjeles Gelaksi” klubi a'zosi Stiven Jerrard “Lester”ning chempion bo'lishi uchun qolgan barcha uchrashuvlarda g'alaba qozonishi kerak ekanini aytdi. APL 35-turida “Lester” safarda “Suonsi” mehmoni bo'ladi. “Yakshanba kuni “Lester”ni ushbu klub tarixidagi eng muhim o'yin kutib turibdi. Raneri shogirdlari o'z ehtiroslarini jilovlay olishi va bor kuchini ishga solishi talab etiladi. “Tottenxem” ham ularni quvishda davom etmoqda. Agar “tulkilar” Vardisiz g'alaba qozona olsa, “Tottenxem”ga kuchli zarba bo'ladi. Faqat bir narsadan afsuslanaman, “Liverpul” bilan Angliya chempioni bo'la olmaganimdan”, – deydi Jerrard. 
— deya xabar beradi uff.uz nashri.