“Sho'rtan” va “Lokomotiv” oliy ligada o'zaro 18 marta to'qnash kelgan. Natijalar Toshkent klubining ustunligini ko'rsatmoqda. “Loko” 18 o'yindan 8tasida g'alaba qozongan. 3ta uchrashuvda durang natijasi qayd etilgan. G'uzorliklar hisobida 7ta g'alaba mavjud. To'plar nisbati ham “Lokomotiv” foydasiga 34-18. O'zaro o'inlarda “Lokomotiv” 27 ochoni qo'lga kiritgan, “Sho'rtan” esa 24 ochkoga ega bo'lgan.
“Lokomotiv”ning “Sho'rtan” ustidan qozongan eng yirik g'alabasi 4:0. “Sho'rtan”ning eng yirik g'alabasi esa – 2:0.
O'tgan mavsum “Lokomotiv” ikkala bahsda ham yirik hisobda g'olib chiqqan. G'uzorda Temurxo'ja Abduxoliqov, Jasur Hasanov, Sanjar Shoahmedov va Marat Bikmaev o'z nomlarini tabloga yozdirib qo'yishgan – 0:4. Toshkentda esa kichik Jasur Hasanov, Dilshod Rahmatullaev, Timur Kapadze va Ikrom Aliboevning gollariga “Sho'rtan”dan G'ulom Haydar G'ulomov javob bergan – 4:1.
G'uzorda o'tgan so'nggi besh uchrashuv:
20.06.2015 «Sho'rtan» – «Lokomotiv» 0:4
29.10.2013 «Sho'rtan» – «Lokomotiv» 0:4
17.03.2012 «Sho'rtan» – «Lokomotiv» 2:1
14.06.2010 «Sho'rtan» – «Lokomotiv» 3:2
23.08.2009 «Sho'rtan» – «Lokomotiv» 3:2
O'zaro o'yinlar haqida fakt: “Lokomotiv” G'uzorda uch marta g'alabaga erishgan. Bir marta durang qayd etgan, qolgan 5 o'yinda “Sho'rtan” uch ochkoni G'uzorda olib qolgan. Oxirgi ikki o'yinda “Loko” G'uzorda bir xil 4:0 hisoblarida g'olib bo'lgan.
Oliy liga. 6-tur. 24 aprel. 17:00
«Sho'rtan» (G'uzor) – «Lokomotiv» (Toshkent)
Hakamlar: I. Tantashev (Buxoro), R. Serazetdinov (Toshkent), T. Gaynulin (Toshkent), Sh. Rajabov (Buxoro)
Nazoratchi: X. Muxtorov (Samarqand).
O'zPFL vakili: G. Rtveladze.
— deya xabar beradi uff.uz nashri.