Ispaniya terma jamoasi bosh murabbiyi Visente Del Boske kimlardir uni «Real»ga qarshi qilib qo'yishga urinayotganini aytib o'tdi. Eslatib o'tamiz, murabbiy zamonaviy futbolda ba'zi o'yinchilar o'zini dahlsiz his qilishini tanqid qilgan edi. Ispaniya matbuotida Del Boskening bu gaplari Krishtianu Ronalduga qaratilgani tahmin qilingan edi.
- Mening so'zlarim umumiy matndan chiqarib olingan va noto'g'ri talqin qilingan. Ha, men bu gaplarni aytganman, ammo shu bilan birga hech qanday ismlarni aytmaganman. Ba'zilar meni «Real»ga qarshi qilib qo'yishni istashmoqda.
Men «Real»ni boshqargan vqatlarimda jamoada Zidan, Yerro, Raul va Figu o'ynar edi. Biz ularni o'rni kelganda zaxiraga ham olganmiz va buning hech qanday dahshatli tomoni yo'q edi.  Endi esa yulduzlarni zaxiraga olish murabbiylar uchun mushkul bo'lib qolgandek. Men bu gapim bilan aniq bir futbolchini nazarda tutmagan edim, - deydi murabbiy.
— deya xabar beradi uff.uz nashri.