«Liverpul» klubi sobiq himoyachisi Jeymi Karrager «Arsenal» bosh murabbiyi Arsen Venger yo'l qo'ygan xatolar haqida gapirarkan, londonliklar 2013 yilda Luis Suaresni sotib olganida, shu vaqtga qadar ikki marta chempionlikni qo'lga kiritgan bo'lishini ta'kidlab o'tdi.
O'shanda «Arsenal» Suares uchun 40 million va yana 1 funt sterling taklif etgan edi. Urugvaylik hujumchining «Liverpul» bilan shartnomasida transfer qiymati aynan shuncha qilib belgilangan. Ammo «Arsenal» yakunda Suaresni sotib olishni uddalay olmagandi.
- Venger ortga qarar ekan, mana shu bir funt haqida ko'p afsuslanadi, deb o'ylaysizmi? 2013 yilning iyulida «Arsenal» Suares uchun 40 milliondan tashqari qo'shimcha bir funt emas, munosibroq pul taklif qilganida vaziyat qanchalik o'zgargan bo'lardi?
Venger Angliyadagi 20 yillik faoliyati davomida ko'p ishlarni amalga oshirdi. Ammo o'shanda yo'l qo'ygan xatosini alohida ta'kidlab o'tish lozim. Suaresning sotib olinmagani Vengerning eng katta xatosidir.
Agarda «Arsenal» ko'proq pul taklif qilganida, masalan 50 million funt sterling, shu vaqtga qadar ikki marta Angliya chempionatida g'olib chiqqan bo'lardi, - deydi Karrager.
— deya xabar beradi uff.uz nashri.