«Stok Siti» yarim himoyachisi Ibrahim Afellay jarohat olib, uzoq muddatga safdan chiqdi.
Yarim himoyachi 22 aprelda o'tkazilgan mashg'ulot vaqtida jiddiy jarohat olgan. Afellay tizzasidagi kesishgan paylarini shikastlab olgan. O'ttiz yoshli yarim himoyachi mavsum oxiriga qadar safdan chiqdi va kelasi mavsumning boshlang'ich qismini ham o'tkazib yuboradi.
Eslatib o'tamiz, Afellay «Barselona» sharafini himoya qilganda ham xuddi shunday jarohat olgan va uzoq muddatga safdan chiqqan edi. Yarim himoyachi joriy mavsumda «Stok Siti» safida Angliya chempionatining 31 o'yinida maydonga tushib, ikkita gol urgan va ikkita golli uzatmani amalga oshirgan.
— deya xabar beradi uff.uz nashri.