Bugun bo'lib o'tgan "Mash'al" - "Neftchi" (1-2) uchrashuvidan so'ng matbuot anjumani tashkil etildi va unda har ikki jamoa bosh murabbiylari ishtirok etdi.
Dastlab mehmonlar bosh murabbiyi Andrey Fyodorov o'yin haqida fikrlarini bildirib o'tdi.
Andrey Fyodorov: "Bugun durang adolatli natija bo'lardi"
"O'tgan o'yinlardek qiyin bahsni o'tkazdik. Natija menimcha durang bo'lsa adolatli bo'lardi. Lekin imkoniyatlardan unumli foydalanib g'alaba qozonib keta oldik. Bugun o'yin borasida ba'zi xatolarga yo'l qo'ydik. Takrorlab o'taman bugun o'yin durangga mos edi", - deydi Fyodorov.
"So'g'diyona"ga qarshi uydagi va bugungi "Mash'al"ga qarshi bahslarni taqqoslasak so'nggi daqiqalarda bugun gol o'tkazib yuborishimiz mumkin edi. "So'g'diyona" esa o'sha so'nggi daqiqalarda gol urib ketgandi. O'sha yo'qotilgan 3 ochkoni bugun qaytarib oldik deb o'ylayman. Birinchi golda darvozabonimiz va himoyachi bir biriga ishonib qoldi. Undan tashqari "Mash'al"da yana gol urish uchun imkoniyatlarga ega bo'ldi. Raqib yaxshi o'ynadi, biz shunday o'yin kutgandik, - deydi murabbiy.
Matbuot anjumanining ikkinchi qismida Aleksandr Xomyakov ishtirok etdi va fikrlarini bildirib o'tdi.
Aleksandr Xomyakov: "Yo'qotilgan ochkolarni safarda to'ldirishga urinamiz"
"Afsuski futbolda shunday bo'lib turadi. Butun o'yin davomida raqibdan ustunlik qildik, biroq ikkita vaziyatdan gol o'tkazib yuborib mag'lub bo'ldik. O'sha vaziyatlardan boshqa imkoniyatlarni eslay olmayman. Yigitlarga hech qanday e'tiroz yo'q. Jamoaviy o'yinimiz yaxshilanib bormoqda. Shunchki o'z kuchimizga bo'lgan ishonch etishmayapti. Shu bois ishonchsizlik paydo bo'lmoqda. Endi yo'qotilgan ochkolar o'rnini safardagi o'yinlar orqali to'ldirishga urinamiz", - deydi Xomyakov.
— deya xabar beradi uff.uz nashri.