“PSJ” hamda “Lill” klublari o'rtasidagi Frantsiya Liga kubogining finalidan o'rin olgan uchrashuv o'z nihoyasiga etdi. Unda 2:1 hisobi qayd etilib, parijliklarning g'alabasi bilan yakunlandi. Dastlab, o'yinning 40-daqiqasida Xaver Pastore hisobni ochdi. Tanaffusdan so'ng Sidibe javob golini kiritishga muvaffaq bo'ldi. Ikkinchi bo'limning 74-daqiqasiga kelib Anxel Di Mariya raqib darvozasiga ikkinchi golni kiritdi. Final hushtagiga qadar 2:1 hisobi tabloda saqlanib qoldi. Shu tariqa, “PSJ” final bahsida “Lill“ni mag'lub etib, Frantsiya Liga kubogi sohibiga aylandi! Frantsiya Liga kubogi. Final PSJ – Lill 2:1 (1:0, 1:1)
Gollar: 1:0 – 40 Pastore, 1:1 – 49 Sidibe, 2:1 – 74 Di Mariya.
PSJ – Sirigu, Markinos, Kurzava, Ore, Tiago Silva, Matyuidi, Rabo, Lukas (Verratti, 75), Pastore (David Luiz, 79), Di Mariya (Kavani, 90), Ibragimovich.
Lill – Enema, Basha, Sidibe, Korshya, Sumaoro, Mavuba (Lopesh, 77), Amadu, Amalfitano, Obbadi, Bufal, Eder.
Ogohlantirishlar: Ore (19), Rabo (47), Amadu (70).
Chetlatish: Rabo (70).
— deya xabar beradi uff.uz nashri.