Oliy liga 6-turidan o'rin olgan “Obod” – “Bunyodkor” (0:4) uchrashuvidan keyingi matbuot anjumanining birinchi qismida “qaldirg'ochlar” ustozi qatnashdi. - Oldindan bizni qiyin uchrashuv kutib turganini bilardik. “Lahviya” bilan kechgan bahsdan so'ng tayyorgarlik uchun atigi ikki kun vaqtimiz bo'ldi xolos. Rostini aytsam, ko'p gol uramiz, deb o'ylamagandim. To'rtta golli vaziyat yaratdik va ularning hammasidan unumli foydalandik. Shorahmedov markaziy hujumchi rolini a'lo darajada bajardi. O'sha gol kombinatsiyasini vaziyat taqozo etdi. Shorahmedov oxirigacha kurashdi va gol urdi. Saviya jihatdan “Bunyodkor” raqibdan ustun edi va buni maydonda isbotladi. Agarda “Obod” dastlabki 20-25 daqiqad davomida yaratgan vaziyatlarini golga aylantira olganida uchrashuvning borishi tamomila o'zgarib ketardi, - deydi Sergey Lushchan.
— deya xabar beradi uff.uz nashri.