“Barselona” jamoasi bosh murabbiyi Luis Enrike “Sporting” Xixonga qarshi (6:0) Ispaniya chempionati 35-turidan so'ng o'z fikrlarini bildirib o'tdi. “Chempionlik uchun kurashayotgan jamoalar endi ochko yo'qotmasa kerak. Men “Atletiko” va “Real”ga qarab o'tirmayman. Faqat bir narsani bilaman. Uchta g'alaba bizga chempionlikni olib keladi. Mavsumni g'alabali seriya bilan yakunlashimiz kerak. Dastlabki bo'limda “Barselona” yaxshi, ammo biroz sekinroq o'ynadi. “Sporting”da esa vaziyatlar vujudga keldi. Ikkinchi bo'limda tezroq harakat qilib ishonchli g'alabani qo'lga kiritdik”, – deydi Luis Enrike. Ispaniya chempionati 35-turidan so'ng “Barselona” 82 ochko bilan peshqadamlik qilmoqda. Xuddi shuncha ochko “Atletiko” hisobida bor. “Real” 81 ochko bilan uchinchi o'rinda ketmoqda. 
— deya xabar beradi uff.uz nashri.