Oliy Liga 6-turidan o'rin olgan “Obod” – “Bunyodkor” (0:4) uchrashuvidan keyingi matbuot anjumanining ikkinchi qismida mezbonlar ustozi qatnashdi. - Bugungi bahsga oldindan o'ylab qo'ygan rejalarimizning hech biri amalga oshmadi. “Bunyodkor” mahorat borasida bizdan kuchli ekanligini bugun maydonda isbotladi. O'yinni yomon boshlamagan edik. Hatto golli vaziyatlar ham yaratdik. Biroq “Bunyodkor” bitta gol urib olgach, ularni to'xtatib bo'lmadi. Bunday mag'lubiyatlar biz uchun o'ziga xos saboq bo'ladi. Zamonaviy futbolda standart vaziyatlaridan unumli foydalanish birinchi planga chiqqan. Buni hamma yaxshi biladi. Bu borada albatta samarali ish olib borishga harakat qilamiz. “Obod”da ishtiyoq kuchli. Lekin ishtiyoqning bir o'zi kamlik qilyapti, - deydi Bobur Zuxriddinov.
— deya xabar beradi uff.uz nashri.