Ertaga "Navbahor" jamoasi Olmaliqda mamlakat chempionatining 6- turida “Olmaliq” jamoasi mehmoni bo'ladi. Jamoalarning o'zaro o'yinlariga nazar tashlaydigan bo'lsak, oliy ligadagi qarama-qarshilikka 2008 yilgi chempionatda asos solingan. Raqiblar O'zbekiston chempionati tarixida shu kunga qadar 16 bor kuch sinashishgan. 2008 yili asos solingan qarama-qarshiliklarda «Navbahor» besh bor «Olmaliq»ni mag'lubiyatga uchratgan. Olmaliqliklar hisobidagi g'alabalar soni esa oltitani tashkil etmoqda. Ikki o'yinda esa kuchlar teng kelgan. To'plar nisbatidagi ko'rsatkich 23:22, "Olmaliq" foydasiga. O'zaro o'yinlardagi eng yirik hisob 2011 yili kuzatilgan. O'shanda jamoamiz «Olmaliq»dagi «Metallurg» o'yingohida mezbonlar darvozasiga javobsiz uchta to'p kiritgandi. E'tiborlisi, bu “lochinlar”ning “Olmaliq” maydonida erishgan birinchi g'alabasi bo'lgan. Jami ushbu raqib uyida “Navbahor” ikki marotaba muvaffaqiyat qozongan. Uch yil avval Akram Bahritdinov va Ro'zim Ahmedovlarning “dubl”lari evaziga “Olmaliq” ustidan safarda g'alaba qozonilgan. Safarda o'tkazilgan umumiy 8 o'yinning 5 tasida "Olmaliq" 3 ochkoga ega bo'lgan. Mazkur raqib maydonida o'tkazilgan ilk uchrashuvda o'zaro o'yinlar tarixidagi hozirgacha yagona bo'lib turgan durang kuzatilagan. “Olmaliq” va “Navbahor” jamoalarining o'zaro qarama-qarshiliklaridagi to'purarlar ro'yxatiga nazar tashlaydigan bo'lsak, "Navbahor" nomidan Sobir Hamidov va Shahboz Erkinovlar raqibga qarshi o'yinda uchtadan golni o'z nomiga yozdirib, karvonboshchilik qilib turishibdi. 014- yilda Sanjar Shoahmedov va o'tgan yili Salamat Quttiboev jamoamiz darvozasiga ikki marotabadan gol yozdirgan xolda “Navbahor” bilan o'tkazilgan o'yinlarda “Olmaliq”ning to'purarlari bo'lib turishibdi. Shahboz Erkinov o'z 2013- yilda “Olmaliq” safida jamoamizga gol urib, 2014 va 2015 yillarda “Navbahor” futbolchisi sifatida sobiq jamoasini ranjitishga muvvafaq bo'lgan. Bu ko'rsatgich bo'yicha u hozircha yakka o'zi maqtanishi mumkin. "Lochinlar" safida amalda harakat qilayotgan hujumchimiz Mo'ydin Mamazulunovda ham ertaga ushbu natijani takrorlash uchun imkoniyat mavjud. 2008 yil
OTMK - "Navbahor" - 1:1 (0:1).
Gollar: Sh.Mullajonov (66) - Sh.Sharipov (10). 2009 yil
"Olmaliq" - "Navbahor" - 2:0 (1:0).
Gollar: S.Usmonxo'jaev (27), B.Haydarov (72-pen.). 2010 yil
"Olmaliq" - "Navbahor" - 2:1 (0:0).
Gollar: I.Ergashev (64), M.Mamazulunov (85) - G'.Jo'raev (51). 2011 yil
"Olmaliq" - "Navbahor" - 0:3 (0:1).
Gollar: A.Sultonov (42,67), A.Abdullaev (88). 2012 yil
"Olmaliq" - "Navbahor" - 1:0 (0:0).
Gol: A.Vostrikov (7). 2013 yil
"Olmaliq" - "Navbahor" - 3:4 (1:1).
Gollar: Sh. Erkinov (6), D. Turopov (52), E. Gogol (81) – A. Bahriddinov (28,54), R. Ahmedov (67,70). 2014 yil
«Olmaliq» – «Navbahor» 3:1 (1:1).
Gollar: Azamat Isroilov (5), Sanjar Shoahmedov (51, 84) - Shahboz Erkinov (30). 2015 yil
«Olmaliq» - «Navbahor» - 2:1 (1:0).
Gollar: S.Quttiboev (5,65) – D.Jabborov (69).
— deya xabar beradi uff.uz nashri.