Angliya Kubogi yarim final ikkinchi o'yinidan o'rin olgan “Kristal Pelas” va “Uotford” o'rtasidagi uchrashuv o'z nihoyasiga etdi. Unda 2:1 hisobida qayd etilib, “Kristal Pelas” foydasiga hal bo'ldi. Uchrashuvning 6-daqiqasidayoq Yannik Bolasi londoliklarni oldinga olib chiqqan bo'lsa, 55-daqiqada “Uotford” sardori Troy Dini oradagi muvozanatni tikladi. 6 daqiqa o'tar-o'tmas Konnor Uikxem “Kristal Pelas”ni oldinga olib chiqdi – 2:1.
Shu tariqa, Alan Pardyu jamoasi Angliya Kubogi finaliga yo'l oldi. 21-may kuni bo'lib o'tadigan finalda “Kristal Pelas” klubi “Manchester Yunayted”ga qarshi bosh sovrin uchun kurash olib boradi. Angliya Kubogi, 1/2 final Kristal Pelas – Uotford 2:1
Gollar: 1:0 – 6 Bolazi, 1:1 – 55 Dini, 2:1 – 61 Uikxem.
Kristal Pelas – Xennessi, Denn, Suare, Uord, Dileyni, Kabay, Edinak, Panchon (Sako, 81), Zaa, Bolazi (Makartur, 74), Uikxem (Adebayor, 86).
Uotford – Pantilimon, Britos, Ketkart, Nom (Anya, 82), Abdi (Gediura, 55), Ake, Uotson, Kapu (Suares, 32), Xurado, Igalo, Dini.
Ogohlantirishlar: Xurado (38), Denn (54), Suares (79), Dini (90).
— deya xabar beradi uff.uz nashri.