Oliy liga 6-turidan o'rin olgan “Qo'qon-1912” – “Qizilqum” (0:3) uchrashuvidan keyin o'tkazilgan matbuot anjumanining birinchi qismida navoiyliklar bosh menejeri Hamidjon Aktamov ishtirok etdi. "Avvalo assalomu alaykum, bugungi bahsga jiddiy tayyorgarlik ko'rgandik. Raqibni yaxshi o'rganib chiqqandik. Bugungi uchrashuv qiyin bo'lishini bilardik. Qo'qonliklar bilan qishda ham o'ynagandik. O'sha bahsni tahlil qildik. Shu asosida o'yinni tashkil etdik. Har ikki jamoaga ham ochko suv va havodek zarur edi. Bugun omad bizga kulib boqdi. Shogirdlarimga g'alaba uchun minnatdorchilik bildirmoqchiman. Bugun hujumkor o'yin namoyish etishni rejalashtirmagandik. Shu bois himoyaga tayangan holda harakat qildik. Kezi kelganda, “Markaziy” o'yingohga tashrif buyurgan muxlislarga ham rahmat aytmoqchiman.
— deya xabar beradi uff.uz nashri.