Rossiyada bo'lib o'tadigan jahon chempionatining start olishiga ham 2 yildan kammuddat qolmoqda. Penalti.uz sizlarga sobiqchempionlar ushbu musobaqadagi ko'rinishini taqdim etadi. Marhamat, tanishib chiqing!
Darvozabon – Manuel Noyer
Nemislar ma'suliyatni uyidagi darvozabonlardan biriga topshirishga qodirdirlar: Ter Shtegen, Leno, Xorn, Tsiler, Ulrayx, Xut va Maxeniya. Ammo, ushbu kichik ro'yxatdan kim tushib qolganini har qanday futbol muxlisi payqab olgan bo'lsa kerak, chunki Manuel Noyer bilan yakkama-yakka raqobatlasha oladigan darvozabon topilmaydi. Nafaqat Bundesligada, balki jahondagi g'ar qanday posbonni statistikasi-yu, barqarorligi bilan dog'da qoldiradigan Noyer 2 yil o'tib 32 yoshni qarshi oladi. Kulgili – shunday emasmi? 2018 yilga borib 40 yoshni qarshi oladigan buyuk Buffon oldida albatta kulgilidir. Oldinroq sanab o'tganimizdek “nemis mashinasi”da boshqa termalarga qaraganda posbon tanlovi nihoyatda ko'p, biroq Manuelga teng keladigani topilmaydi.
O'ng qanot himoyachisi – Mattias Ginter
Filipp Lamning jamoani tark etishidan so'ng, nemislardagi o'ng qanot himoyachisi ampulasi muammosi haligacha hal bo'lgani yo'q. Boshqa ampulalardagi o'yinchilarni ushbu zonada sinab ko'rish muvaffaqiyat keltirmadi. Hozircha ideal variant sifatida Mattias Ginter ko'rilyapti. Aslida, u markaziy himoyachi, lekin joriy mavsumda uni murabbiy qanot himoyachisi sifatida sinayapti. Mattias – shubasiz iqtidorli futbolchi. Garchi to'pni raqibdan olib qo'yish va havodagi kurashda ustasi farang bo'lsa ham, unga qanotda o'ta muhim bo'ladigan jihat tezlik etishmaydi. Boateng va Ryudrigerlar ushbu pozitsiya uchun Ginterga muqobil variant sifatida qaralmoqda.
Markaziy himoyachi – Jerom Boateng
Jerom Boateng “Bavariya”dagi 5-mavsumini olib bormoqda va barcha jihatlarda olg'a siljiyapti: bosh bilan o'ynash, to'g'ri joy tanlay bilish, uzoq masofaga to'pni qulay tarzda uzatib berish. hech qaysi himoyachi uning o'rnini bosa olmadi. Unga faqatgina jarohatlar to'sqinlik qilyapti. Terma jamoadagi  Ryudriger va Mustafilarda ham shunday holat. Ular Boatengga nafaat bo'y borasida, balki boshqa sifatlarda ham ortda olishadi.
Markaziy himoyachi – Mats Xummels
Shubhasiz barcha sohalarda etakchi va mardonavor sardor Mats Xummels “nemis mashinasi”ning ustivor himoyachisidir. Uning muvaffaqiyatsizligi o'tgan mavsumda ro'y berdi va u jamoasi – “Borussiya D” bilan birgalikda bo'ldi. Vaqt o'tib Xummels ijobiy tomonga o'zgardi va natijalar ham kundan-kunga sezilib boryapti. “Bundestim” uchun u hujumning muhim elementi hisoblanadi.
Chap qanot himoyachisi – Yonas Gektor
Nemislar uchun chap qanot himoyachisi topishmog'i hali ham javobsiz qolmoqda. Yoxaim Lyovda da'vogarlar ko'p emas: Shmeltser, Shults va Gektor. Gektor 2014 yilda o'z debyutini o'tkazdi. Ta'kidlanishicha, Gektor yozda albatta “Kyoln”ni biron-bir top klubga almashtiradi.
Davomi Penalti.uz blogida.
— deya xabar beradi uff.uz nashri.