"Barselona" yarim himoyachisi Serxio Buskets jamoa bilan yangi shartnoma imzolash masalasida sabr-toqatni yo'qotmoqda.
Biroz vaqt muqaddam klub rahbariyati Buskets bilan shartnomani qayta ko'rib chiqish va moliyaviy shartlarni yaxshilashga va'da bergan edi. Yangi shartnomaga ko'ra yarim himoyachi jamoada eng ko'p maosh oladigan futbolchilar qatoriga kirishi lozim bo'lgandi.
Ammo shu vaqtga qadar hech qanday ish amaga oshirilmadi va boz ustiga klub rahbariyati Busketsning agentiga mavsum yakuniga qadar hech narsa qilmasliklarini bildirganlar.
Biroq Buskets mavsum oxiriga qadar kutishni istamayapti va o'ziga qanday shartnoma taklif etilishini hozirning o'zida bilishni xohlayapti. Eslatib o'tamiz, yarim himoyachining ayni vaqtdagi shartnomasi muddati 2019 yilga qadar davom etishi ko'zda tutilgan.
— deya xabar beradi uff.uz nashri.