Madridning “Real” klubi yarim himoyachisi Garet Beyl jamoadoshi Krishtianu Ronaldu bilan hech qachon muammoga duch kelmaganini aytib o'tdi. Matbuotda portugaliyalik futbolchi Beylga bor kuchi va salohiyatini ko'rsatishga imkon bermayotgani xabar qilingandi. “Ronaldu ingliz tilini yaxshi biladi va men “Real”ga o'tganimda menga ko'p yordam bergan. Ikkimizni yana bir narsa birlashtirib turadi – Angliya Premer-ligasi. O'zaro munosabatlarimiz yaxshi va hech qachon Krishtianu bilan muammo bo'lmagan”, – deydi uelslik futbolchi. Ma'lumot uchun, Ronaldu 2003-2009 yillar davomida “MYu” sharafini himoya qilgan. Garet Beyl 2007-2012 yillarda “Tottenxem” safida to'p surgandi. 
— deya xabar beradi uff.uz nashri.